NGOA BA INA ro AMA

Pantun Bima / Kapatu Mbojo
Oleh : Sultan Abdul Khair
 

Ra londo lao kai nia kulia
londo aka uma ngilu rima ina ro ama
ra ngoa wi'in ro sawa'u wa'un
kapodapu tana'o loa kai ntuki ra ne'e

Sidi sambia kauna kalampa sambea
ka ulupu ngaji aina lampa ngoja
lao lampa ngoja na wa'aku ta kura ngaja
bacapu Karo'a loa kaina taho dei ru'u
aina turu kumpa bune rawi dou kampo

Ake ka wa'ura sapa do'ona rasa Sape
kaun mai kulia loa kai tupa ro loa
Maja labo dahu dei dou ma wa'ura doho
aina lampa rero mai kaima iha darura

Ncoki ina ro ama ti ipi warana aka uma
lao ngupa hela arujiki ma halal
lao pako tana wati ntaumu tuna
rakasi una ru'u ndaita dei ana

Oe cina ro angi ta sumpa ro sake aina ingi anga
ta kulia kataho bai da mpoana katuha
junju pu rombo taho kaiba sarumbu
tana'o kapoda ade taho kai dou sa udu

kawarapu ngoa ro tei ba samenana dou ma tua