AMANCAWAE

"Jika suatu saat engkau tega menghancurkan hatiku hingga berkeping-keping, maka aku akan tetap mencintaimu dengan kepingan yang engkau sisakan..."

👉Rakasi ai naina dei lao cumpu kaimu amancawae
👉Kahaba rocipu nahu baida iha iuku ma ipi ncewi
👉Rakasi ai naina dei da ca'u mbali kaimu amancawae
👉Ngoa rocipu nahu baida ipi na'e lalo na iuku ncuwu

👉Kone ma laoku la'o dou ma kalai
👉Ade nahu wati wa'umu dei ka lea*
👉Kone fikiku ra ne'emu ka nggamu
👉Ade nahu ntenepa ru'u nggomi
👉Kone ma paksaku kau ngupa siwe ma kalai dei mode
👉Ade nahu ntenepa ndei ru'u nggomi sampesi maina made

MBOJO Kekunoan VS MBOJO Kekinian

Pai ma loa menaku eda
Rawi dou Mbojo ai eden
Kone jaman ma mbuipu kuno
Pala wati ngawana turu kani
Siwe Mbojo ma ntoi
Wati kani na ma tada kantea
Kone na ngge'e kai uma jarimpi
Pala na bade cara kani rimpu

Na lai bune sampela ai naina ake
Mbotopu ma sampula la'o mbora aka

Kone ma wa'u ntau rahi
Ma da bade mbako dei riha
Kone ma wa'u ntau ana
Ma da bade cara ndadi ina

Mai ta ka sabua mena waliku eli
Loa kaina mbali ruku rawi Mbojo ma ulu

ELI LINGI (FATWA RINDU)

Nggara ndakesi mode
Na'ena lingi ade mada
Wati ntauku tenggo
Mboto lalo lingi dei tanggu
Wa'usi lingi ndake
Ka ne'e ncau pandako

Lingi ade wali
Ma kanceka mbi'a lawili
Lingi ade mboda
Ma kanceka mbi'a sambadi

GENDI RA CALA vs RIMPU COLO CILI

Adeku na ipiku ka CALI

Edaku ncaomu da wa'u dei CELA

Ba lepimu siwe ma gendi ra CALA
Dei taji hanta mena kaimu CILA

Indoku wa'ura mpoi siwe ma rimpu CILI

Siwe ma ntau ade ma gaga COLU

Wati ipi nggonggi ra nggali dei COLA

Ndotapu wehamu ma gendi ra CALA

Na sariwu kalipu ma kani ripu COLO

Sobaee, aina ipi lao sanCALE

Watisi ne'emu siwe ma aka nCILU

Kone fikimu ma lao sanCELE

Ngupapu siwe ma ntau ade ma kanCILO

IU WA'UPU MORI NCOKI LENGA

Iu wa'upu mori ncoki ni LENGA
Mori kese ma sampio baLINGO
Ngge'e ta awa wombo LANGI
Ade sabua uma ma iha LENGI

Uma ra ili kai jarimpi ma LONGA
Ra peli kai kapenta ma na'e LANGA

Na bune ndei iumu LENGA?
Wati ntaumu ade ma LINGI?
Ra ngupa kaimu mori ole saLINGE
Sanai-nai ngahamu oha saLUNGA
Sanai-nai ngahamu uwi keta LANGO

POLITI (POLITIK)

Kapatu Mbojo / Pantun Bima
Judul: POLITI (Politik)
Oleh: Sultan Abdul Khair

Ake pahuna dana ndai mbojo
naha ntoi na naha mbuja

kone ma lampa lito lato ma loa nuntu politi
ma siwe ro mone na wa'ura sama mena

Mpoapa laomu sakola ma ese
dulamu ta rasa ntenepa iumu sarusa
mpoapa loamu kagaga tala
ntenepa dei tola ro tula
kalosamu ilmu ra raka
wati wara ma kalu'u dei reke

Edeku modena wa'usira lu'u politi
kone ma caha sambea dei ma nuntu ma mbai
kone ma wa'ura haji dei ma sampu heja
kone kaluarga ndai dei nduku kandoe

Oh dana mbojo...
inggena caki kepala desa dei tumbu kaimu dosa
aina nggahimu caki bupati orepu ma hope piti
piti ra rakana dei ka ese kaina ruku
piti ra rakana dei kidi tuki kaina roka

Oe cinara angi mbojo...
taho ademu eda dana ndai ma mbuja?
tabeku lirina maja la'o dahu
nggara ma nembasi dou-dou ma wa'ura doho?*

Maira ndaita ana muda aina wara ma kambuda mada
maira ndaita ana muda aina wara ma doho midi
ta rungkaku mode dana mbojo ma wa'ura mudu
ta rungkaku mode dana mbojo ma wa'ura made

Isi dan amanat kapatu: Pantun ini mengandung makna dan berisi tentang rasa prihatin terhadap dunia politik 'kotor' yang membuat dana Mbojo menuju fase kritis dan sekarat. Mulai dari pemilihan kepala desa hingga bupati. Politik dengan licik menyusup ke setiap lingkup kehidupan masyarakat, sehingga memacu gelombang kebencian dan permusuhan yang kuat. Bahkan tokoh masyarakat hingga tokoh agama yang seharusnya menjadi teladan dan panutan tak luput dari kejamnya virus politik.

Oleh karna itu para generasi muda perlu ikut andil sebagai penyeimbang sekaligus pembeda untuk membuat dana mbojo menjadi lebih layak. Salah satunya dengan mengembalikan semboyan hidup "Maja Labo Dahu".

PANATI

Kapatu Mbojo / Pantun Bima
PANATI (meminang/melamar/menyunting)
Oleh: Sultan Abdul Khair

Ka lao panatiku kai pidu lela nota
Nota ma saramban dei kahalal kai sarumbum
Nota ma kaduana tampu'u kawoka mori ra woko
Nota ma katoluna ta ntaura ana loa kai wara ma ou ndaita ama la'o ina
Nota ma ka'upana ta ntaura rido magaga kani karudu
Nota ma kalimana warara cucu ndei ma mai ceci
Nota ma ka'inina lu'u sama rade ngena do'a ana ro rido
Nota ma kapiduna jiwa raga ndai lu'u sama saroga

***Inilah ritual hidup yang semua orang idamkan. Mempersunting wanita yang bersedia dan setia mendampingi hidup bersama. Mulai dari awal menikah, berjuang membangun kesuksesan, memiliki buah hati, memiliki menantu yang soleh/soleha, punya cucu yang lucu dan manis, dido'akan saat di alam kubur, masuk syurga bersama... Sungguh Indah...!!!

Tidak mudah memang, tapi sangat layak diperjuangkan ^_^

SIWE SAMPARIKI MA KATADA ROKA

Kapatu Mbojo / Pantun Bima
Oleh: Sultan Abdul Khair

Aina lao raka
siwe ma katada roka
aina kalu'u dei reke
siwe ma bona rawi ra ruku

Siwe ma dawara bareka
ntenepa lu'una ta ana raka
hurina dei setrika
sarumbuna dei bodo kareku

Siwe ma ndake tiloa dei roko
ba mbeko akana ma kariki

oh oh oh...
siwe ma katada roka
pahumu ntikapu sampariki
elimu gagapu eli karoku
ngolomu carupu ngolo uta roke

***Saya hanya orang yang suka berpantun... Kalembo ademu siwe ma hobi katada roka. hahaha :D

INA CEMPE

KAPATU MBOJO
INA CEMPE (IBU TIRI)
Oleh Sultan Abdul Khair
=========================
Ncoki auna mori la'o ina cempe...
sidi sambia ngaha ti tantu mbei
kone mbeina oha ringa kai nggahi ma iha
rakasi ba hengge na runggi mbeiku hanggu

Susa auna mori la'o ina cempe...
na wa'usi ra ou roci to'ipu ka io
manggi si cambe sarumbuku mbala ba cambo
kone ba moda sanda sabae sarumbu ma iu boe

Ede pahuna ine cempe...
watisi wara ama tikauna maru ese uma
na mpeke pa sarumbu ba kawaraku ina ma saramba
na mpoipa eli nangi ou inaku ma ulu

Ina cempe... ina cempe...
Ta tando amaku wancuku caru sarome imina
kone onu ta asaku ne'e weana osa
kone oi dei ndeu ti kauna condo ndai
loa aumu ola ba gaga nggahi ra elimu
============================
***Tapi sejujurnya, kekejaman Ina Cempe (Ibu Tiri) itu terkadang hanya sebuah mitos. Karna pada kenyataannya tak sedikit ibu kandung yang jauh lebih kejam yang tega menyiksa bahkan membuang anaknya sendiri. Semuanya kembali kepada diri kita masing2. Namun 1 hal yang pasti, entah ibu kandung, ibu tiri, atau ibu angkat, mereka tetaplah harus kita hormati dan kita muliakan. Cayyyo ^_^
‪#‎JustKapatu‬

GOMBAL MBOJO "AU PEHEM"

Gombal "AU PEHEM"
oleh Sultan Abdul Khair

-au pehem laina nggomi la'o liro?
liro na ka taroaku dou sa'udu
nggomi na ka taroaku rindi ra lingina ade

-au pehem laina nggomi la'o fo'o ntasa?
fo'o ntasa na meci poda ba panihi
nggomisi na meci poda ba nahu

-au pehem laina ndai duata la'o dou ma oje?
dou ma oje ncihi ncao wa'u co'ina ampo ampa ndei wua
ndai duata ncihi ncao wa'u co'ina ampo ampa ndei kawei

KAPATU MUDA MUDI

Oleh Sultan Abdul Khair
================== 

Kapatu muda mudi

fikiku na moda
adeku na mudu
ka ne'e kone ra made
sakali edaku kampa'amu mada

siwe ntika ra mode
ma gaga alu midi
ma maci bune madu

INA

Oleh Sultan Abdul Khair
================= 

ndaita ana
wati ntauna one
watisi to'amu ta ina

douma tuamu ma ono
ro ma osa weamu onu
dou ma tua ma maki weha rero una

mai ta to'a mena aka ina
sawatipu loro sarumbu ngaha ba ane

KAPATU MBOJO MECE MACO MACI :D

Oleh Sultan Abdul Khair

howiku na mece
bune dou ma dula maco
ra edaku nggomi ma maci
ma gaga to'i moci
bune wua ka mica
ma caru dei ka muci
felaku na moco
ba ne'eku ka muca
ari gagaku ra ca'u ro meci

KAPATU MONE MA DIRO DARO

Oleh Sultan Abdul Khair

mone diro daro
ma kani baju dare
bune pahu sawa doro

mone diro daro
ma ndamu rindi deri
bune me'e daru

mone diro daro
na wancuku dera
ngupa siwe ma dori
na sapa kone doro
ma ngge'e dore-dore

Hahaha...
mone diro daro
sura raka kaina siwe dara
wati padulina harga diri

***Oops, Saya hanya berpantun untuk menghibur diri, mone diro daro aina tersungging. hahaha

RIMPU CILI RA CALA

Pantun Bima/Kapatu Mbojo
Judul: Rimpu cili ra cala
Pembuatan: 6 Desember 2014, jam 04.40-04.55 WIB Yogyakarta
Oleh: Sultan Abdul Khair
 

Pinaina kani rimpu cili
ake na katada gendina ra cala
Aipu edena wancuku dahuna aka mone
ake wa'ura kani mena rok mini
Ntoina ma ousi aima ngadi wati wara ma ka io
ake na wa'ura disa losa lampa sabala-bala ai

Pinaina wancuku caha menana ngaji
ake mbotopu ma lao lampa ngoja
Aipu edena wancuku alu nggahi ro elin
ake mbotopu ma lampa ili ole
Ntoina wancuku taho mena ruku ra rawin
ake na loa menara lampa rewo

KAPATU MBOJO: LALILULELO

Pantun Bima/Kapatu Mbojo
Judul: lalilulelo
Pembuatan: 3 Desember 2014, jam 08.45-09.05 WIB Yogyakarta
Oleh: Sultan Abdul Khair

liro ma alo
wara ma lampa lao ele
siwe mpena ilu
ma lampa ili ole

wara nahu ma ola
ta gang haji ali
ola kai nggahi ra eli
ma gaga ntika alu

mada na ra ila
rima na ra ale
sia ma lampa ulu
na wa'ura kali uli

nahu ke mone ada ra ela
umaku ti ntauna ilo
ngupaku ngaha kani ala
ma ngawa ndadi rido ama elo???

***Bukan sembarang pantun

CARA NGUPA SIWE MA CARU

Oleh: Sultan Abdul Khair

Oe Soba...
wara ne'eku ngoa sato'i ngio
wara ne'eku tei ra nggahi dou ma tua
kabuneku carana ngupa dou siwe ma caru

ndakeku ra nggahina...

aina weha siwe ntau ra wara nggara na ngawasi rea ra wura
kecuali nggomi mone ma hope ade pulsa HaPe
aina weha siwe ma ntika nggara na loasi ntuku ntekosi
kecuali nggomi mone ma damaja ma dafiki maju

ngupapu siwe ma alu ma taho nggahi ra eli
ngupapu siwe ma caha ngaji ma da lampa ngoja
ngupapu siwe ma caha sambea ma wati mbou
siwe ma kani karudu tiwara ma wa'una karada

DORO SANGIA (GUNUNG SANGIANG)

Kapatu Mbojo / Pantun Bima
Oleh: Sultan Abdul Khair
======================
Konena heba ndaita manusia
cumpu kaina ntenepa deima soe
Mpoapa Tenggo ra gaga sarumbu
ta kompe Ruma samapa la'o kamoa rembe

Na katada romosi heba ndaina Ruma
ampoja sato'i ngau na loa kawotu doro Sangia
Wotuna doro ndai wa'ura rai diro-daro
elina ma tambua na kadahuku dou ma da kalampa sambea

Oe samenana weki...
Ruana nggahi dou ma loa akeke gejala ilmiah
pala ma tiosi kai iman ma rakaku eda wea amun*
Ausi amuna re???
Ake taho musibah ma uji kaina saba
Ake taho tanda ba mboto parenta Ruma ra tunda
Ake taho ngoa kaina ndaita manusia ncihara karawi maksiat

*amun/amuna/amu= akar permasalahan

KITA BUTUH MANUSIA YANG LAIN, APA YANG BUAT KITA CONGKAK?

Matahari yang sebegitu besarnya saja masih memerlukan bantuan Bulan untuk menerangi belahan Bumi yang lain... Apalagi kita yang hanya bagian kecil dari jutaan kreasi-Nya yang Maha Agung. Lantas apa yang masih membuat kita sombong dan angkuh???

Harta?
Pangkat dan jabatan?
Garis Keturunan?
Kecantikan dan ketampanan yang hanya sedalam kulit???

Semua FANA...! Kita masih perlu dan butuh untuk saling memberi dan menerima dengan manusia-manusia yang lain. Karna semua memang diciptakan sama dan selaras.

(Kapatu Mbojo/Pantun Bima)

Aina ipi rea ra wura, ba mboto ntau ra wara
malanta ma laba pa dei dula labo

Aina ipi ka ese lalo ruku, ba kani to'imu reko
kone ma kani wali reko, osu ra sia pa deima lu'u reke

Aina ipi kabata lenga, ba ntaumu dou matua ma heba ra longa
heba ra longamu ara dunia, aka rade wati tantu iumu senaa 

Aina ipi kamelu santuki, ba pahumu ma gaga ra ntika
dulamu aka rade, karu'u peke la'o hurimu ma mpoi rodo

Sultan Abdul Khair

LAGU QASIDAH "NGAJI KARO'A"

Saya teringat sebuah lagu Qasidah fenomenal saat saya masih kecil. Lagu ini dibuat dengan pantun Bima (Kapatu Mbojo/Bima). Judulnya adalah Ngaji Karo'a. Biasa dinyanyikan saat pengadaan Lomba Mushabaqah Tilawatil Qur'an (MTQ). Lagu ini  syarat akan nasehat dan petuah agama. Sangat disayangkan sudah banyak liriknya yang saya tidak ingat. Hingga secara kebetulan beberapa saat yang lalu saya berbicara langsung dengan salah seorang yang memodifikasi lagu ini melalui telepon. Dan inilah hasilnya...

Judul: Ngaji Karo'a

Genre: Qasidah Rebana Nasyid

Ngaji Karo'a pahala na'e ndei ru'u

kone ma made pahala wati moda

ede pahu ndei ru'u na dou ma loa karo'a

dou ma loa karo'a (jamak)

Ndake ku carana tana'o ngaji ma caru

rakasi ai mambia weha oi sambea

nggori sambea magari doho satando guru

guru ma tei ndaita dodo tio

ndaita dodo tio (jamak)

Ncoki dei ru'u dou ma da loa karo'a

doho ta'awa kade'e jangko iwa

moro kone howi na ngena londo kahawa

ngena londo kahawa (jamak)

Ncoki dei ru'u dou ma da loa karo'a

lampa dei nonto ti wara au dei nenti

dou ma loa na kabeipa laona

na ka beipa laona (jamak)

Aina mbou ba loamu sambea

aina hodi ba loamu sahada

kombi niki padasapa weha kaimu dosa

weha kaimu dosa (jamak)

Tuta tando da toro tando di

kancoasi ma tuka jabara'i ma toku

tisi loamu cambe sarumbu boe kai cambo

sarumbu boe kai cambo (jamak)

Ntau ra wara ti dei tende ra wa'a

ma lanta laba pa dei dula labo

wati si wara osu sarumbu iu sa'esa

sarumbu iu sa'esa (jamak)

Santabe mena weki siwe mone

sandake wa'upa kasidah ndedi wa'a

warasi ma ncara ta cua kangampu ncore

ta cua kangampu ncore (jamak)

Lagu di atas akan lebih enak dinikmati jika didengarkan langsung saat dinyanyikan dengan iringan Qasidah Rebana...

Sultan Abdul Khair